Alday nagusien egoitzako erabiltzaileak ezagutzeko eta denbora partekatzeko ekimen irekia abiatuko dute bihar

Aitor Aspuru Saez 2024ko mai. 28a, 19:00

Arespalditzan kokatuta dago Alday nagusien egoitza. / Aiaraldea.eus

Aiarateka elkarteak kafea antolatuko du bihar Arespalditzako Alday nagusien egoitzan eta bertan azalduko du egitasmoa. Ekainean fruta-arbolak landatuko dituzte zentroko erabiltzaileekin euren ezagupenak eta aisialdi uneak partekatzeko.

Aiarateka elkarteak kafea egingo du bihar 16:30ean Alday nagusien egoitzan. Ekintza horren helburua da azaltzea zein egitasmo abiatuko duten, belaunaldi anitzeko herritarrek zentroko erabiltzaileak ezagutu ditzaten eta denbora partekatu dezaten eurekin.

Biharko hitzordua adinez nagusientzat bada ere, ekainetik aurrera egingo dituzten deialdietan familiako kide guztiak batzea da xedea.

Hain zuzen, ekainaren 11n fruta arbolak landatzea proposatuko dute, ortugintza baita belaunaldien arteko jakintza trukea egiteko aitzakia paregabea, elkartearen aburuz. Egun horretan Zaira del Rio agrokologian adituak zenbait irizpide azalduko ditu zuhaitzen zein eurentzat onuragarriak diren beste espezieen landaketari eta zaintzari buruz.

Hitzaldi labur horren ondoren, zentrora bertaratutakoek eta erabiltzaileek euren indarrak batu eta hainbat landare landatuko dituzte, elkarlanean. Asmoa da lan horren bitartez elkar-ezagutza sustatzea. Amaitzeko, baratzari lotutako ipuina irakurriko dute. Bi orduko iraupena izango du jarduera osoak.

Deialdian parte hartzeko interesa dutenek Aiarateka elkarteko telefono zenbakira dei dezakete: 688 87 56 20.

Jendartea Aiara Arespalditza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide