🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Lekubatxe bola klubak antolatutako Euskadiko Txapelketa oso arrakastatsua izan zen atzo. Tentsioa egon zen bolatokian, emaitzak oso estuak izan zirelako, baina adiskidetasuna izan zen nagusi.
Berez, Aiaraldeko bolariek maila aparta erakutsi zuten. Alberto Lopez eta Aitor Parrilla izan ziren lehenengo bi sailkatuak gizonezkoen artean eta Estrella Alonso eta Bea Isasi bigarren eta hirugarren geratu ziren emakumezkoen kategorian. Estrella Alonsok berdinketa lortu zuen puntuetan txapeldunarekin, Josune Sarrionandiarekin, eta berdintasun egoera hori apurtzeko bi jaurtiketa txanda egin behar izan zituzten, lehenengoan puntu kopuru bera eskuratu baitzuten. Dudarik gabe, jaurtiketa horietan sortu zen eguerdiko zirrara unerik biziena.
Bestalde, giroa aparta izan zen. Lekubatxek pantaila erraldoia prestatu zuen frontoian zuzeneko emisioa egiteko, jokalari oro ez baitziren sartzen bolatokian aldi berean. Horrez gain, mokadu aparta prestatu zuten aiararrek eta gero, gainera, Oleta jatetxean bazkaldu zuten guztien, sariak banatzeko.
Aiaraldea Komunikabidean zuzenean emititu zituen jaurtiketa guztiak:
Argazkiak: Aitor Aspuru eta Lekubatxe