Lan istripua gertatu zen atzo Zuhatzan eta Gurutzetara eraman behar izan zuten langilea

Aitor Aspuru Saez 2024ko irailaren 13a

2020an Luiaondon hil zen langile bat mendian gertatutako istripuagatik. Argazkian, orduko une bat. / Aiaraldea.eus

Mendian lanean ari zela jazo zen ezbeharra eta larrialdi zerbitzuek erreskatatu behar izan zuten behargina.

Atzo 11:20ak aldera lan istripua gertatu zen Zuhatzan. Mendian zuhaitzak mozten ari zirela, enbor bat beharginaren gainean erori zen eta zauri larriak eragin zizkion.

Horri aurre egiteko Arabako Suhiltzaileak, Ertzaintzako mendi erreskateko unitatea eta anbulantzia mobilizatu zituzten. Larrialdiaren eremua kokatu ostean, Menagaraitik jo zuten ertzainek oinez, zaurituaren bila, eta gero 400 metroz garraiatu behar izan zuten, suhiltzaileen ibilgailu batean uzteko.

Suhiltzaileek anbulantziara eraman zuten behargina eta handik Gurutzetako ospitalera bidali zuten.

2020an langile bat hil zen Aiarako mendietan

Atzokoa ez da izan Aiarako mendietan gertatutako lan istripu larri bakarra. Izan ere, 2020an behargin bat zendu zen antzeko ezbeharraren ondorioz. Izan ere, pinu bat erori zitzaion gainean langileari eta zaurien ondorioz hil zen. Gogoratu beharra dago egun horietan itxialdia indarrean zegoela pandemiagatik, baina etxetik kanpo zenbait lan egiteko aukera ireki zuela Gobernuak.

Ekonomia Aiara Zuhatza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide