Sitgeseko fantasiazko zinemaren nazioarteko jaialdian estreinatuko dute Historias de Halloween filma. Urte hasieran grabatu zuten ikus-entzunezkoa Arabako hainbat tokitan, eta Kexaako monumentu multzoa erabili zuten eszenatoki moduan, besteak beste. Orain, Kataluniako jaialdiaren Panorama sailean proiektatuko dute emaitza, urriaren 11n eta 12an.
Ikusgai dago jadanik filmaren trailerra. Bertan agertzen dira Macarena Gomez, Christian Thomas eta Javier Botet aktoreak, besteak beste. Horrez gain, filmak beldurra, fantasia eta umorea uztartzen dituela ikus daiteke, arimen gauan girotutako hainbat istorio uztartuta.
Kiko Pradaren fikziozko lehen filma luzea da Historias de Halloween. Aurretik beste bi lan zuzendu ditu zinemagileak, baina dokumentalgintzaren esparruan.
Ez da asko itxaron beharko filma pantaila handian ikusteko, urriaren 31n iritsiko baita zinema areto komertzialetara, arimen gauan, hain zuzen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide