Aiarako Erakusleihoen XI. Lehiaketan izena emateko epea azaroaren 21era arte egongo da zabalik

Oihane Ozaeta Fernandez 2024ko azaroaren 11
Deskargatu Info Ahotsak :

Aiarako Erakusleiho Lehiaketan parte hartu duen establezimendu bat, artxiboko irudi batean. / Aiaraldea.eus

Izen-ematea doakoa da, eta gaia librea, baina establezimenduan saldu ohi diren artikuluak edota produktuak agertu beharko dira.

Zabalik dago dagoeneko XI. Aiarako Erakusleiho Lehiaketan parte hartzeko epea. AEKO-k (Aiaraldeko Enpreseen Koordinaziorako Federazioa) antolatu du ekimena, Aiarako Kuadrillaren babesarekin.

Lehiaketa honetan parte hartu ahal izango dute Kuadrillaren eremuan kokatuta dauden merkataritza-, ostalaritza- eta zerbitzu-establezimendu guztiek, baldin eta maila teknikoan baloratu daitekeen erakusleiho bat badute (barrukoa edo kanpokoa).

Izena emateko epea azaroaren 21ean amaituko da eta ondorengo tokietan egin ahalko da: udalerrietako merkatarien elkarteetan (AEME, Izan Amurrio eta APILL), Laudioko Merkataritza Bulego Teknikoan (94 672 28 01) eta Zabaia Landa Garapenerako Agentzian.

Ekonomia Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide