Etxaurren Ikastolako eraikinen teilatuetan 120 plaka fotovoltaiko instalatu berri dituzte. Bost asteko lana izan da eta Aiarako Udala elektrizitatea ekoizteko baimenaren zain dago.
Tokiko erakundeak berak azaldu du espero dutela urtea amaitu baino lehen egotea funtzionamenduan energia azpiegitura berria.
Gasturik gabeko instalazioa, dirulaguntzei esker
Etxaurren Ikastolako jasangarritasuna hobetzeko esku-hartzeak guztiz ordaintzeko bi dirulaguntza lortu ditu Udalak. Bata Mugarri Planaren deialdiarena (22.000 eurorena) eta bestea Euskal Energiaren Erakundearena (40.000 euro baino gehiagokoa).
Dena den, Udalaren asmoa da aztertzea ikastetxearen energia kontsumoa eta proiektu gehiago garatzea plakek sortzen duten elektrizitatea hobeto ustiatzeko; hau da, ikastolak kontsumitzen dituen zerbitzu guztietan erabiltzeko.
Edonola ere, hezkuntza zentrora ez ezik, udako udal igerilekuetara ere bideratuko dute 50 Kv-ko plaken ekoizpena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
