Esther Gonzalez eta Joseba Miras gailendu dira Luiaondoko Neguko Bolo Txapelketan, emakumezkoen eta gizonezkoen kategorietan, hurrenez hurren. Larunbatean jokatu zen finala herriko bolatokian, eta azken tirada horietako puntuak batuta osatu dute azken sailkapena.
Garaipen berezia izan da honakoa bi txapeldunentzat, bikotea direlako eta honakoa izan delako Gonzalezek irabazi duen lehen txapela.
Azken urteetako parte hartzerik handiena
Txapelketako antolatzaileek pozik azaldu dira aurtengo edizioak izango harreragatik. Izan ere, 81 parte hartzaile egon dira guztira eta “duela urte pila bat” ez zeudela horrenbeste. Gazteen inplikazioa goraipatu dute bereziki. “Herriko jokalari gazte asko hasi dira jokatzen”, azaldu du Mirasek, eta “harro” azaldu da horregatik, “duela 15 urte bolo-eskolan egon ziren neska-mutilak” direlako, eta orain bolatokira itzuli direlako. “Harro nago eurak berriz ere karrejoan edukitzeaz”, nabarmendu du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
