Dena dago prest Aiarako jaiei hasiera emateko. Ostiraletik astelehenera luzatuko da egitaraua eta, urtero bezala, Arespalditzara autobusez joateko aukera eskainiko du Udalak, doako zerbitzuaren bidez.
Artziniega, Laudio eta Amurriotik izango dira irteera bi egunetan, 20:30, 21:15 eta 22:00etan, hurrenez hurren. Hala ere, Lanteno, Menagari, Ibaguen, Luiaondo eta Murgan ere egingo dituzte geldialdiak. Itzulera, aldiz, 4:00etan izango da artziniegarrentzat, 4:45ean amurrioarrentzat eta 6:30ean laudioarrentzat.
Hemen beheko kartelean ikusi daitezke ordutegi eta ibilbide zehatzak:
EGITARAU OSOA
Apirilak 25, ostirala
18:45 // Pregoia
19:00 // Txupinazoa
19:00 // Euskal dantzak Aiara Dantza Taldearekin
20:00 // Trikitia Etxebarria Aita-semeekin
22:00 // Kresala erromeria
02:00 // DJ Blessive
Apirilak 26, larunbata
11:00 // Jesus Isasi Memoriala, txirrindula lasterketa
11:30-14:00 // Euskal Jai Txikia eta txapak egiteko tailerra
16:00 // Disko festa
22:00 // Gautegun erromeria
Apirilak 27, igandea
10:00 // Xake txapelketa
12:00 // Emakumezkoen herri kirola
12:00 // Bola jokoa Kexaan
13:00 // Meza Bleibet abesbatzarekin
14:30 // Nagusientzako herri bazkaria
18:00 // Bola jokoa Kexaan
20:00 // Roberto Urrutia mariatxia
22:00 // Gauargi erromeria
Apirilak 28, astelehena
10:00 // Baserritar azoka
12:00 // Danborrada
12:30 // Prontxi barraskiloa margotzeko tailerra
19:00 // Patxi Perez
20:00 // Odoloste jana