Joseba Sarrionandiak solasaldia eskainiko du bihar Luiaondon

Aitor Aspuru Saez 2025eko maiatzaren 5a
Deskargatu Info Ahotsak :

Joseba Sarrionandia idazlea, aurkezpen batean. / Xalba Ramirez (Irutxuloko Hitza)

Idazleak Kolosala izango da eleberria izango du hizpide, Aiaraldeko Berbalagunen irakurle klubaren eskutik.

Joseba Sarrionandia literatoak Luiaondo bisitatuko du bihar. Zehazki, 19:00etan izango da hitzordua Otueta Gizarte Etxean eta Aiaraldeko Berbalagunen irakurle klubak egindako eskaerari erantzunda egingo du.

Hain zuzen, Sarrionandiak Kolosala izango da eleberriari buruz hitz egingo du. 2003an argitaratu zuen lan hori, oraindik Kuban errefuxiatuta zegoenean, eta Guda Zibila izan zuen hizpide.

Zehazki, durangarrak kostaldeko herri batean kokatu zuen istorioa, guda hasi baino lehen. Berezitasun moduan, ume baten begiradaren bitartez kontatu zuen narrazioa.

Bihar arratsaldean lan horri buruz arituko da, baina liburua irakurri ez dutenek ere bertaratzeko aukera izango dute, askorentzat euskal idazle garaikide garrantzitsuena denaren hitzak entzuteko eta, parada sortuz gero, galderak egiteko.

Euskara Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide