Aiarako Udalak LGTBIQ+ ikurrak herritarren eskura jarriko ditu hurrengo astean, etxean jar ditzaten

Erredakzioa 2025eko maiatzaren 7a
Deskargatu Info Ahotsak :

LGTBIQ+ ikurraren koloreak./ Wikipedia

Aiararrak LGTBIQ+fobiaren kontrako egunean etxeko leihoetan ikusgai jartzera animatu nahi ditu Udalak.

Maiatzaren 17an LGTBIQ+fobiaren aurkako nazioarteko eguna da, genero identitatearen oinarritutako edozein bazterkeria salatzeko. Horri lotuta, Aiarako Udalak ekimena abiatu du herritarrek bat egin dezaten berdintasun eta askatasun aldarrikapen horrekin.

Zehazki, tokiko erakundeak "Aiara libre eta harro" lema serigrafiatua duten LGTBIQ+ ikurrak banatuko ditu Arespalditzako eta Luiaondoko udal bulegoetan, maiatzaren 12an, 13an, 14an eta 16an, goizeko ordutegian.

Aiararrei eskatuko diete maiatzaren 17an ikur horiek ikusgai egotea etxebizitzen leiho edota balkoietan.

Horraz gain, Zinegoak LGTBIQ+ zinema jaialdiaren emanaldi bat egongo da egun horretan Menagaraiko eskola zaharrean 17:30ean.

Jendartea Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide