Larrazabalek eta Mariezkurrenak irabazi dute Andra Mari Zuriaren Torneoa

Aimar Gutierrez Bidarte 2025eko abuztuaren 9a
Deskargatu Info Ahotsak :

Final ona jokatu zuen Baikoko bikoteak. / Baiko

22-7 garaitu zituzten Jokin Altuna eta Beñat Rezusta. Larrazabalek torneoko pilotaririk onenaren saria eskuratu zuen ere. Arkaitz Eskuzak ere lortu zuen garaipena.

Andra Mari Zuriaren Torneoko finala nagusitasun argiarekin irabazi zuen bart Iker Larrazabalek eta Jon Mariezkurrenak osatutako bikoteak. Baiko enpresakoek erraz garaitu zituzten Jokin Altuna eta Beñat Rezusta, Aspekoak 22-7 menderatuz. Norgehiagoka 50 minutuz luzatu zen, 437 pilotakada guztira. Urdinek partida ona jokatu zuten, txapelketa osoan erakutsitako maila altuari eutsiz.

Izan ere, torneo borobila egin du aiararrak Gasteizen, eta horren aitortza jaso zuen atzo. Iker Larrazabal izendatu zuten txapelketako Serie Ako pilotaririk onena.

Serie B torneoan Eskuza garaile

Garaipen bikoitza izan zen atzokoa aiaraldearrentzat. Serie B mailako torneoan Arkaitz Eskuza laudioarrak lortu zuen garaipena, Dario Gomezekin batera. Aspeko bikoteak 22-17 menderatu zituen Zubizarreta III.a eta Eskiroz.

Kirola Aiara Olabezar

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide