Atxilotu bat Luiaondon, bizilagunak balinezko edo aire konprimituzko moduko pistola batekin mehatxatzea egotzita

Erredakzioa 2025eko irailaren 20a
Deskargatu Info Ahotsak :

Bizkor unitateko kideak bertaratu dira herrira.

Ertzaintzak adierazi duenez, atxilotuak hainbat tiro egin ditu leiho batetik balinezko edo aire konprimituzko pistola batekin, baina ez du inor zauritu.

Ertzaintzak pertsona bat atxilotu du Luiaondon, bizilagunak balinezko edo aire konprimituzko pistola moduko batekin mehatxatzea egotzita. Poliziak Aiaraldea Komunikabideari adierazi dionez, atxilotuak zenbait tiro egin ditu etxebizitza bateko leihotik, baina ez du inor zauritu.

Poliziak ez du zehazterik izan zehazki zer pistola mota baliatu duen, hori aztertzen ari dira.

17:20ak aldera jazo da gertaera. Hainbat polizia patruila bertaratu dira, eta trafikoa eten dute denbora tarte batez. Horrez gain, Bizkor unitate azkarreko agenteak ere bertaratu dira, tiroketak daudenean dagoen protokoloa jarraituta. 

Jendartea Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide