Aiarako EAJk aldarrikatu du udalerriko Larrialdia Plana aurrera egiten ari dela bere presioari esker. Gentza Alamillo bozeramaile duen taldeak azaldu du egitasmo hori 2023an onartu zela, jeltzaleek alkatetza zutenean, baina oraindik ez dela gauzatu.
Hain zuzen, 2023an eta 2024an ez zen egikaritu eta iraileko udalbatzan, duela egun eskas, hasierako 3.000 euroko partidari beste 10.000 euro gehitu dizkiote.
EAJk azpimarratu du euren etengabeko presioaren ondorioz egin dela urrats hori. Alderdiak adierazi du udalerriak plan hori behar duela gero eta ohikoagoak diren arrisku-egoeren aurrean prest egoteko, hala nola uholdeen edo baso-suteen aurrean, bereziki uda honetan izandako gertakarien ondoren.
"Ez dugu edozein izapide aipatzen, larrialdietan udalaren erantzuna koordinatzeko eta bizilagunen segurtasuna bermatzeko funtsezko tresna baizik. Ezin da hain gauza serioarekin jolastu", gaineratu du Alamillok.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
