Hil ala biziko partida izan du gaurkoa Iker Larrazabalek Lau t'erdiko txapelketan aurrera egiteko norgehiagokan. Eibarko Astelehena pilotalekuan jokatu du final-zortzirenetako kanporaketa aiararrak, Iraitz Zubizarreta ataundarraren aurka.
Partida ona jokatu du Larrazabalek. Uneoro markagailuan aurretik mantendu da aiararra, eta egindako akats apurrak ez dira nahikoa izan aurkariak tantoetan aurrea hartzeko. Azkenean zazpi tantoko aldearekin iritsi da Larrazabal azken sakera, eta 22-15 irabaztea lortu du.
Pozik azaldu da aiararra gaur Eibarren ondutako emaitzarekin, eta txapelketan aurrera egiteko lortutako txartelarekin. Final laurdenetan Joseba Ezkurdiarekin neurtu beharko da aurrena. Aurtengo Buruz Buruko Txapelketan egin zuten topo biek, eta aiararrarentzako izan zen partida.
2024an B Serieko Lau t'erdiko txapelketan aritu zen Larrazabal, eta txapeldunorde sailkatu zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
