Aiaraldea Komunikabideko kazetari bat erasotu du desokupazio enpresa batek, Luiaondon etxe bat legez kanpo husten saiatzen ari zirenean

Erredakzioa 2025eko urriaren 8a
Deskargatu Info Ahotsak :

Aiaraldea Komunikabideko kazetari bati mugikorra bota, eskua zapaldu eta mehatxuak egin dizkiote desokupazio enpresako kideek. 

Desokupazio enpresa bat (Desokupaciónlegal.com gisa izendatutakoa) bertaratu da gaur Luiaondora, etxe bat legez kanpo husteko asmoarekin. 

Aiaraldea Komunikabideko kazetari bat bertaratu da gertaeraren berri ematera. Irudiak grabatzen zegoela, desokupazio enpresako kideek mugikorra bota, eskua zapaldu eta mehatxuak egin dizkiote. Kazetariak enpresako kideak salatu ditu Laudioko komisaldegian gertaera horregatik. 

Ertzaintza eta Laudioko Udaltzaingoa bertaratu dira tokira. Aiaraldea Komunikabidea Ertzaintzarekin jarri da harremanetan gaiaz galdetzeko. Poliziak baieztatu du desokupazio enpresa bat egon dela Luiaondon, baina gaineratu du operazioak irekita jarraitzen duela eta ezin dutela informazio gehiago eman.  

Politika Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide