Emakume bat atxilotu du Ertzaintzak Aiarako baserri batean lapurtzea egotzita

Erredakzioa 2025eko abenduaren 1a

Laudioko Ertzain-etxeko kideek atxilotu zuten emakumea. / Aiaraldea.eus

Poliziaren arabera, lehen solairuraino eskalatuta eta leiho bat indarrez irekita sartu zen emakumea etxera.

35 urteko emakume bat atxilotu zuen Ertzaintzak larunbat arratsaldean, Aiarako baserri batean lapurtzea egotzita. Poliziek 14:00ak baino apur bat lehenago jaso zuten abisua, eta Laudioko ertzain-etxeko patruila bat bertaratu zen etxera.

Azaldu dutenez, espazioa ikuskatu behar zuten unean ireki zuen atea emakumeak. Agenteek identifikatu egin zuten orduan, eta "bertara sartu zela aitortu zien, hesi bat saltatuz, lehen solairuraino igota eta ondoren leiho bat bortxatuta".

Ertzainek ikusi zuten etxe barruan hainbat tresna nahasirik zeudela. Ondorioz, emakumea atxilotu zuten, indarrezko lapurreta egitea egotzita. Azaldu dutenez, epailearen esku utzi dute beharrezko eginbideak amaitu ostean.

Jendartea Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide