Asteburuan amaitu da Luaiondoko Neguko Bola Txapelketa eta, hiru jardunaldien ondoren, Aitor Parrilla eta Zuriñe Ruiz izan dira lehen sailkatuak gizonezkoen eta emakumezkoen kategorietan.
Edonola ere, ez zen garaipen erraza izan. Gizonen mailan 226 puntuko berdinketa egon zen finalean eta 35 puntuko jaurtiketa egin behar izan zuten txapelduna nor zen erabakitzeko. Txanda horretan Parrillak lortu zituen Joseba Mirasek eta Carlos Olabarrietak baino emaitza hobeak.
Emakumezkoen artean Zuriñe Ruiz izan zen onena, nahiz eta denbora gutxi dabilen bolo aiararrean jokatzen. Bere atzetik Estrella Alonso eta Bego Perez sailkatu ziren.
Guztira 73 jokalarik parte hartu dute lehiaketan eta Lekubatxe klubak oso balorazio positiboa egin du. Parte hartzaile ororen artean Igone Torrealday eta Iñar Torrealdayren kasuak nabarmendu dituzte. Hamar eta zazpi urteko gazteak saritu zituzten, klubak uste baitu kirolaren etorkizuna izango direla.
Argazkiak: Lekubatxe Bola-joko Taldea
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
