Aiaraldeko Kuadrillak, Izoriako Administrazio Batzarrarekin elkarlanean, adarrak batzeko hondakinen bilketa-gune berria jarri du martxan Izoriako hilerri ondoan dagoen lursailean. Ekimen honen helburua adarrak mozteko lanetatik sortzen diren hondakinen kudeaketa hobetzea da, eta horiek modu ordenatu eta jasangarrian tratatzen direla bermatzea.
Administrazio Batzarrak prestatu du auzolanean Arabako Foru Aldundiko dirulaguntzarekin eta Aiaraldeko Kuadrillak edukiontzi berezia jarri du, baimendutako hondakinak bertan uzteko aukera emateko.
Ekintza honek hondakin horien baliozkotzea ere ahalbidetuko du. Izan ere, Aiaraldeko Kuadrillak Izorian duen konpostaje komunitarioko gunean material egituratzaile gisa erabil daitezke, eta horrela ekonomia zirkularraren zikloa itxi egiten da.
Adarrak batzeko gunean sartzeko eskaera egiteko, erabiltzaileek Izoriako Administrazio Batzarrarekin jarri beharko dute harremanetan. Berez, tokiko ordezkariek azaldu dute zerbitzua izoriarrentzat dela nagusiki, bere erabilera kontrolatzeko.
Era berean, konpostaje komunitarioko programaren parte izan nahi duten pertsonak Aiaraldeko Kuadrillarekin harremanetan jar daitezke 679 79 19 33 telefonora deituta.