Aiarako helduentzako "euskara ludikoa" programan izena emateko azken eguna da gaur

Erredakzioa 2026ko otsailaren 5a

Euskaraldiko Ahobizi eta Belarriprest pertsonaiak Aiaran eginiko ekitaldi batean.

Plaza libreetan izena emateko deialdia zabaldu du Aiarako Udalak. Astelehenetan izango dira saioak Lantenoko Eskolako txokoan.

Euskara jolasen bidez praktikatzea, astero ordubetez. Hori da Aiarako Euskara Ludikoa programak eskaintzen duena. Berez, iazko urrian abiatu zuten egitasmoa, eta maiatzera arte luzatuko da.

Hala ere, Aiarako Udalak deialdia zabaldu du libre dauden plazetan izena emateko epea. Gaur (otsailak 5) izango da horretarako azken eguna. Interesdunek euren izen-abizenak eta telefono zenbakia helerazi beharko dituzte posta elektroniko (euskara@aiaraldea.org) edo telefono (677 566 245) bidez.

Saioak astelehenero izango dira 17:00etatik 18:00etara, Lantenoko Eskolako txokoan. Bertan, "hizkuntza ohiturak modu ludikoan praktikatzeko" aukera izango dute parte hartzaileek, "familia edo lagun giroan erabiltzeko" gero. Kartak, mahai jokoak eta antzeko beste baliabide batzuk baliatuko dituzte horretarako.

Euskara Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide