Arespalditzako Administrazio Batzarra pozik dago sanisidroek izandako harrerarekin. Ekintza gehienak larunbatean izan ziren eta mendi ibilaldiarekin abiatu zuten egitaraua. "Parte hartzaile ugari bildu zituen eta, eguraldi txarra gorabehera, gogoz eta umore onez gozatu zuten ibilbidea", nabarmendu dute.
Patata tortilla txapelketa egin zuten gero, eta eguneko ekitaldirik alai eta dibertigarrienetako bat izan zen berriro, antolatzaileen ustez. Goizez eta arratsaldez puzgarri eskaintza anitza egon zen kirol pistan umeentzat.
Herri bazkarian babarrunak jan zituzten eta arespalditzarren ustez, bildu zen jendeak herriaren batasuna eta partaidetza islatu zituen.
Bazkalostean mus txapelketak ere parte hartze handia izan zuen eta lagun eta auzokide taldeak bertaratu ziren jokatzeko. Gauean, Txapela Bravarekin egindako berbena arrakastatsua izan zen, musikaz, dantzaz eta dibertimenduz betea. Jaien itxiera Otegiren eskutik heldu zen.
Argazkiak: Arespalditzako Administrazio Batzarra eta Aitor Aspuru Saez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
