Malato supermerkatuak 20 urte bete ditu Luiaondon eta urteurrena ospatzeko, jai-egun berezia prestatu du azaroaren 8rako. Eskualdean ezaguna den saltokia da Malato, besteak beste, ordutegi zabalagatik eta oilasko salmentagatik.
Urteurrena ospatzeko, hainbat ekintza prestatu dituzte supermerkatuan bertan, bezeroekin eta herritarrekin egun berezia partekatzeko asmoz. Goizean tarta erraldoia, zozketa eta artisau-gozoak egongo dira. Horrez gain, eguerdiko hamabietan, Amurrioko Battuere batukada taldeak girotuko du ospakizuna.
Antolatzaileen hitzetan, urte hauetan guztietan Malatoren bidelagun izan diren bezeroei eta herritarrei eskerrak emateko eta haiekin partekatzeko aukera izango da.
Horrela, bi hamarkadako ibilbidea ospatuz eta etorkizunari begira, Malatok ateak zabalduko ditu beste behin, baina oraingoan jai-giroan, Luiaondoko eta bisitari guztiekin 20. urteurrena ospatzeko.
