Abenduaren 2tik 6ra bitartean ospatuko da Euskal Liburu eta Disko Azokaren 51. edizioa Durangon. Amurrio, Urduña eta Laudioko Udalen Euskara Arloak koordinatu egin dira eta eskualdeko busa antolatu dute bertara joateko abenduaren 5ean (astelehena).
Bi itzulera ordu
Busa 16:00etan abiatuko da Urduñatik, 16:15etan pasako da Amurriotik eta 16:30etan iritsiko da Laudiora, jarraian Durangora joateko. Itzultzerako orduan, baina, bi aukeren artean hautatu ahal izango dute bidaiariek: 21:00etan edo 2:30etan itzultzearen artean, hain zuzen. Antolatzaileek azpimarratu dute ez dela beharrezkoa izango aurretik jakinaraztea bietako zein aukera hartuko duen pertsona bakoitzak, bidaiari guztiek izango baitute bi autobusetan lekua erreserbaturik.
Sarrerek zazpi euro balioko dute eta Laudio, Amurrio edota Urduñako Udaletako Euskara Arloan eskuratu ahal izango dira, abenduaren 1era arte. Adin guztientzako herritarrei zuzenduriko ekintza izango den arren, antolatzaileek azaldu dute 18 urtetik beherakoak nagusi batengatik lagunduak joan beharko direla.
Durangoko Azokaren nondik norako guztien berri izateko egin klik hemen.