Mikologiazaleek azaroa profitatzen dute antolatzeko euren ekimen publiko gehienak. Horren islada Laudion, Amurrion eta Orozkon egongo da laster. Adibidez, Laudioko Mikologia elkarteak hurrengo egitaraua prestatu du XXXVI. Udazkeneko Mikologia Astearen harira:
Azaroaren 2an, asteazkena
19:00etan Zubiko etxean. Hitzaldia: “Onddoak, Mendiaren bermea” Jose Maria Ibarbia Rudiez, Laudioko Mikologia elkarteko kidearen eskutik.
Azaroaren 3an, osteguna
19:00etan Zubiko etxean. Erakustaldi gastronomikoa elkarteko gizonezkoen gastronomia taldearen eskutik.
Azaroaren 4an, ostirala
18:30ean Zubiko etxean. Laudioko VII. Ibilbide mikologikoarensari banaketa eta zozketa Apillen eskutik.
19:00etan erakustaldi gastronomikoa elkarteko emakumezkoen gastronomia taldearen eskutik.
Azaroaren 5ean, larunbata
Bazkide eta mendizaleen mendi irteera, perretxiko aleak batzek.
17:30ean Mikologikako aretoan goizean hartutako perretxikoen sailkapena.
Azaroaren 6an, igandea
10:00etatik aurrera Herriko plazan XXXVI. Udazkeneko mikologia erakusketa, XXIX. Haur eta Gazteentzako Marrazki Lehiaketa eta XXX. Gastronomia Lehiaketa.
Perretxikoak dastatzeko aukera 3€ren truke: 5 mokadu (2 hotz eta 3 bero), Mikologiari buruzko errezetak- liburuxka eta material mikologiko eta naturalistarako 3 sortaren zozketarako zenbakia.
Amurrioko Mikoturismo Egunak
Amurrion hainbat pintxo mikologiko jateko aukera egongo da, baina horrez gain hitzaldia emango du Alberto Villanuevak 19:30ean Kultura Etxean. Euskal Herriko ziza bitxien inguruan mintzatuko da.
Bestalde, asteburuan bukatuko dira Mikoturismo Egunak. Larunbatean, 18:00etatik aurrera perretxikoak sailkatuko dituzte udal pilotalekuan. Igandean leku berean hurrengoa izango da egitaraua:
- 10:00etatik 14:00etara: artisautza-produktuen azoka eta salmenta (Larrinaga kalea).
- 11:00etatik 14:00etara: perretxikoen erakusketa udal-pilotalekuan, Arriola Elkarte Mikologikoaren eskutik.
- 13:30ean: epaimahaiak saria emango dio Perretxikoekin Egindako Pintxoen XI. Lehiaketa irabazi duen tabernari.
VII. Aste Mikologikoa Orozkon
Orozkon ere zaletasuna plazaratzeko zenbait ekintza antolatu dute. Ostiraletan (4an, 11n eta 18an, alegia) pintxo lehiaketari ekingo diote Arrugaeta, Batzoki, Itxina, Otegi eta Zubiaur tabernetan 19:00etatik aurrera.
Azaroaren 19an txangoa egingo dute; 09:30ean plazan geratuko dira eta udaletxean jasoko dituzte perretxikoak igandean erakusteko. Horrez gain, 19:30ean Arbaitzako baselizan Urtzi Vera argazkilariak proiekzioa egingo du. 20:00etan Arbaitzako Txokoan zizak dastatzeko parada emango dute (Tomas Sautua, Carlos García Escudero eta Joseba San Pedro izango dira sukaldariak).
Azaroaren 20an, hau da, igandean, egitarau mikologikoaren azkenengo txanpa burutuko dute. Horretarako, 11:30etatik aurrera zizen erakusketa egingo dute. 12:30ean Encarna Delgadok azalduko du Museoan nola sortzen diren zizak eta 14:00etan pintxoen sari banaketaren txanda helduko da plazan.