Eskualdeko 40 entitatek Aiaraldeko Euskalgintza Kontseilua sortu dute euskararen normalizazioan elkarlanean aritzeko

40 erakundek sortu dute gaur Aiaraldeko Euskalgintza Kontseilua. Horien artean ikastetxeak, kirol eta kultur zein euskara elkarteak daude eta euren helburua izango da euskararen normalizazioa bultzatzea.

Horretarako, ahalik eta eragile gehienen elkarlana sustatuko du kontseiluak. Erakunde berriak adierazi du bere xedea dela Aiaraldeko euskararen normalizazioaren alde urratsak eman nahi dituzten eragile zein norbanakoen bilgune iraunkorra izatea, egiten den lanaren eraginkortasuna bilatzea, gogoetarako foroa osatzea, estrategiak diseinatzeko eta gauzatzen laguntze­ko euskarriak sortzea, erreferente izatea eta instituzioekiko eta entitate pribatuekiko interlokuzio aktiboa izatea.

Ibilbide luzea

Gaurko eraketara heltzeko, lan handia egin dute. Duela urte batzuk abiatu zituzten bilerak eta azken bizpahiru hilabeteko egitekoa izan da elkarte (hezkuntza, ekonomia, instituzioak, aisialdia, kul­tura…) ezberdinen atxikimendua eta parte-hartzea bideratzearekin batera, Aiarako Kuadrilako presiden­tearekin eta udaletako alkateekin zein euskara teknikariekin bilerak egin eta egitasmoa aurkeztea izan da, Kontseilu honi babesa eman eta elkarlanean aritzeko gonbitea egiteko.

Sustatzaileen ustez, instituzioek harrera ona egin diote proiektuari eta datozen hilabeteetan Kontseiluaren eta 10 instituzio (Koadrila eta udalak) horien arteko elkarlan-espa­rrua zehaztea da euren asmoa.

Etorkizuna

Batzar eratzailearen ondoren, Aiaraldeko Euskalgintzaren Kontseiluak maiatzean izango du hu­rrengo batzarra. Ordurako, gaurko Kontseiluan izendatutako Talde Eragileak 2016ko plangintza eta au­rrekontua landu, elkartea legeztatu, instituzioekiko hitzarmenak eta beste zenbait lan gauzatuko ditu

Hemen parte hartzaileen zerrenda:

• OROZKOKO ERDU EUSKARA BATZORDEA (OROZKO)

• URDUÑAKO HERRI IKASTETXEA (URDUÑA)

• OKONDO ESKOLA (OKONDO)

• ARRANKUDIAGA ESKOLA (ARRANKUDIAGA)

• LAUDIO BHI (HNP)

• URDUÑAKO AINTZINAKO ANDRA MARI IKASTETXEA (URDUÑA)

• VIRGEN NIÑA IKASTETXEA (AMURRIO)

• ERDU GUGAZ ARRANKUDIAGAKO ESKOLAKO GURASO ELKARTEA

• AIARA DANTZA TALDEA (AMURRIO-AIARA)

• LATIORRO IKASTETXEA (LAUDIO)

• LAUDIOKO UDAL LANBIDE HEZIKETA IKASTETXEA (LAUDIO)

• OROZKOKO ESKOLA (OROZKO)

• ETXAURREN IKASTOLA (AIARA-OKONDO)

• LAUDIOKO UDAL EUSKALTEGIKO LANGILEAK (LAUDIO)

• LA MILAGROSA IKASTETXEA (LAUDIO)

• AMURRIOKO PILOTA ELKARTEA (AMURRIO)

• GOIKOGANE MENDI TALDEA (LAUDIO)

• AIARAKO EUSKO GAZTEDI (EGI) (AIARA ESKUALDEA)

• LAUDIOKO GAZTE ASANBLADA (LAUDIO)

• AIARALDEKO ERNAI (AIARALDEA ESKUALDEA)

• AIARALDEKO BERTSO ESKOLA - AIEBE (AIARALDEA ESKUALDEA)

• LAB AIARA (AIARA ESKUALDEA)

• ELA AIARA (AIARA ESKUALDEA)

• STEE-EILAS AIARA (AIARA ESKUALDEA)

• NERBIOI ERRUGBY TALDEA (AIARALDEA ESKUALDEA)

• LUCAS REY IKASTETXEA (AMURRIO)

• BELAIKI EUSKARA ELKARTEA (BARANBIO)

• MENDIKO LAGUNAK MENDI TALDEA (AMURRIO)

• ZARAOBE INSTITUTUA (AMURRIO)

• ARTEKO GURE AMA ESKOLA (ARTZINIEGA)

• LAMUZA IKASTETXEA (LAUDIO)

• AIARAKO AEK (AIARA ESKUALDEA)

• AIARALDEKO BERBALAGUNAK (AIARALDEA ESKUALDEA)

• AIARALDEA KOMUNIKAZIO LEIHOA (AIARALDEA ESKUALDEA)

• ARESKETA IKASTOLA (AMURRIO)

• LAUDIO IKASTOLA (AMURRIO)

• BASALARRINA EUSKALTZALEEN TOPAGUNEA (LAUDIO)

• ZABALEKO IKASTETXEA (AMURRIO)

• LAUDIOAR TXIRRINDULARI ELKARTEA (LAUDIO)

• AIARAKO HOGEITALAU ELKARTEA (AIARA)