Aurten ere Beldur Barik programak Aiaraldea mailako lehiaketa martxan jarri du eta azaroaren 9an bukatuko da lanak aurkezteko epea. Horrekin emakumeek jasaten duten bereizkeria-egoerei aurre egiten dioten neska-mutilen arte-adierazpen mota oro bultzatu nahi da. Lanak errespetuan, berdintasunean, askatasunean, autonomian, erantzukizunean eta indarkeria sexistaren gaitzespen irmoan oinarritutako jokabide eta jarrerak izan behar dira.
Oinarriak
Ikusentzunezkoen txapelketan 12 eta 26 urte arteko gazteek parte hartu dezakete. Hala ere, ezinbestekoa da Aiara, Amurrio, Artziniega, Laudio, Okondo, Orozko edo Urduñan erroldatuta, ikasten edo herri horietako elkarteren batean parte hartzen egotea. Lehiaketan parte hartzeko bete beharreko oinarriak www.beldurbarik.org webgunean kontsultatu daitezke osorik.
Topaketa
Tokiko lehiaketez gain, Beldur Barik programak EAE mailako topaketa ere antolatuko du. Aurten azaroaren 26an izango da Urdulizen, iaz Amurrion ospatu zen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide