Enplegurako formaziora bideratutako hainbat ikastaro ere jarriko ditu Aiarako Kuadrillak datozen hilabeteetan Arabako Foru Aldundiaren diru-laguntza bat baliatuta.
Honako hauek izango dira eskainiko dituzten ikastaroak:
1. Profesionaltasun ziurtagiriko (SSCM0108) MF0972_1, MF0996_1 eta MF1087_1 mailak: Eraikin eta lokaletako gainazalen eta altzarien garbiketa. 90 orduko ikastaroa izango da eta Laudioko Garapen Agentziak eskainiko du azaroaren 7tik 22ra. Ordutegia zehazteke dago.
2. Bim-Revit metodologia: 40 orduko ikastaroa, Amurrio Bidean-ek eskainiko duena urriaren 26tik azaroaren 24ra, asteazken eta ostegunetan, 15:30etatik 19:30etara. Aiarako Haraneko pertsona aktiboek izango dute lehentasuna izena ematerako orduan.
3. Elektrodo estaliekin egiten den soldaduraren hastapenak: 80 orduko ikastaroa. Sartu Arabak eskainiko du, urria-azaroa bitartean. Data eta ordutegiak zehazteke daude.
4. Ekipamendu industrialaren mantenuaren hastapenak: 100 orduko ikastaroa izango da eta Laudioko Garapen Agentziak eskainiko du irailaren 19tik urriaren 24ra, 15:30etatik 20:30etara. Aiara Haraneko pertsona langabetuei zuzenduriko ikastaroa izango da.
5. Ekipamendu industrialaren mantenuaren hastapenak II: 100 orduko ikastaroa izango da eta Laudioko Garapen Agentziak eskainiko du urriaren 25etik azaroaren 30era, 15:30etatik 20:30etara. Aiara Haraneko pertsona langabetuei zuzenduriko ikastaroa izango da.
6. Nazioarteko Merkataritza Teknikaria: 80 orduko ikastaroa izango da. Amurrio Bidean-ek eskainiko du azaroaren 7tik 28ra, astelehenetik ostiralera, 9:00etatik 14:00etara. Aiara Haraneko pertsona langabetuei zuzenduriko ikastaroa izango da.
Ikastaroetan izena emateko ikastaroa eskaintzen duen entitatearekin kontaktatu behar da.
1. , 4. eta 5. ikastaroen kasuan Laudioko Garapen Agentziarekin: 944 03 48 00 telefonoaren bidez, 9:00etatik 14:00etara bitartean deituta (astelehenetik ostiralera).
2. eta 6. ikastaroen kasuan Amurrio Bidean-ekin: 945 89 17 21 telefonoaren bidez, 8:00etatik 15:00etara bitartean deituta (astelehenetik ostiralera).
3. ikastaroaren kasuan Eskualdeko Garapen Agentzian eman daiteke izena: 946 72 77 73 telefonoaren bidez, 8:00etatik 18:00etara bitartean deituta (astelehenetik ostiralera).