ANGEL JIMENEZ ESQUILAS (Amurrio, 1965), JOSU ALONSO VICENTE (Laudio, 1963), MARIA JOSE CASTRO (Laudio, 1961) eta JOSEP MOYA (Barcelona, 1962) Elkarrekin Ahal Dugu koalizioko zerrendakideak dira Legebiltzarreko hauteskundetarako.
Nola heldu zitzaizuen zerrendakideak izateko proposamena?
Hasieratik argi geneukan Aiarako norbaitek egon behar zuela hautagaien zerrendan.
"Boluntario aurkeztu ginen gure kideen babesarekin eta erabaki genuen Euskadi Zabaltzen korrontearekin parte hartzea Podemos Ahal Duguko zerrendetan".
Horren emaitza izan zen Aiarako lau hautagaiok egotea Elkarrekin Ahal Dugu koalizioaren zerrenden barruan.
Zein da Legebiltzarrera eraman nahi duzuen mezua?
Bestelako politika egitea posible dela; justuagoa, sozialagoa eta demokratikoagoa. Jende arrunta gara politika egiten jendearen aldetik eta jendearentzat.
Nolakoa izaten ari da hauteskunde kanpaina Aiaraldean?
Egin ditugun guztiak bezalakoa; xumea. Gogoratu beharra dago ez dugula bankuen bitartez finantzatzen, baizik eta jarraitzaileen eta laguntzaileen mikrokredituei esker.
Hori bai, ilusio eta ahalegin handiz.
Zeintzuk izango dira hurrengo legealdiko erronkak?
Erronkarik nagusienen artean dago langabezia eta prekarietateari topatzea konponbide eraginkorra, alabaina, justizia soziala, etxegabetzeak, txirotasun energetikoa, eta abar.
Oro har, helburu garrantzitsuena izango da desoreka soziala borrokatzea, eta, aldi berean, eraikitzea bakea eta euskaldun guztion arteko elkarbizitza.