Ekintzaileei zuzendutako sei tailer eskainiko dituzte Aiaraldean iraila eta urria bitartean. Saio bakoitzak lau orduko iraupena izango du eta enpresa proiektuak garatzeko ezagutzak eskaintzea izango du helburu; ideia baten sorreratik martxan jartzeko pausoetara.
Lantegiak doakoak izango dira, baina plaza mugatuak daude. Langabezian dauden eskualdeko pertsonek lehentasuna izango duten arren, plazen esleipena izena ematearen arabera egingo da.
Informazio gehiago eskatzeko Amurrio Bideanera jo daiteke, 94 589 17 21 telefono zenbakian edo autoempleo@amurriobidean.org helbidean.
-
Irailak 21 Amurrion - “Ausartzen zara amets egiten? Ekintzaile potentzialen ebaluazioa”
-
Irailak 28 Laudion - “Nola bihurtu ideia bat negozio eredu batean”
-
Urriak 4 Arespalditzan - “Nire marketing plana osatzeko oinarrizko ezagutzak”
-
Urriak 11 Amurrion - “Nola kalkulatu nire produktu/zerbitzuen koste eta prezioa”
-
Urriak 18 Laudion - “Ekonomia-finantzaketa plana sortzeko gakoak”
-
Urriak 25 Arespalditzan - “Zerga-ordainketa eta fakturazioa enpresa txikian. Jakin beharrekoak”