Aurtengo Euskal Herriko mendi duatloi zirkuituak bi lasterketa izango ditu Aiaraldean, Urduñan irailaren 24an eta Artziniegan urriaren 8an.
Euskal Herriko mendu duatloi zirkuituak haren seigarren ekitaldia prestatu du aurten, guztira hamabi lasterketa antolatuz Euskal Herria osoan zehar. Hamabi proba hauen artean, bi lasterketa berezi izango dira, Usansolon Euskal Herriko txapelketa izango baita eta Urduñan urrezko mendi duatloia.
Urduñako mendi duatloiarako izen-ematea zabalik
Urduñako mendi duatloian parte hartzeko izen-ematea zabalik dago irailaren 23rarte. Inskripzioak 15 euro balioko ditu aurretik apuntatuz gero eta egunean bertan joanez gero 20 euro ordaindu beharko dira.
Errelebotako proban apuntatu nahiez gero 25 euro pagatu beharko ditu bikoteak aurretik eta egunean bertan 30 euro balioko ditu.
Ibilbidearei dagokionez bi track igo dituzte antolatzaileek, lehen bi sektoretakoak. Lehenbizi kirolariek 11,5 kilometro egin beharko dituzte menditik 516 metroko desnibelarekin eta hau amaitzean txirrindula hartu beharko dute BTT zatiak izango dituen 20 kilometroak betetzeko, guztira 919 metroko desnibelarekin.
1. sektorea (lasterka): http://eu.wikiloc.com/wikiloc/view.do?id=14237469
2. sektorea (BTT): http://es.wikiloc.com/wikiloc/view.do?id=14237422
Artziniegako mendi duatloia
Aiaraldeko beste duatloi ekitaldia Artziniegan izango da urriaren 8an. Izen ematea laster zabalduko dute Euskal Herriko mendi duatloi zirkuituko atarian baina antolatzaileek ibilbidearen bideo bat zabaldu dute.
BTTko sektoreak Soxoguti inguruak zeharkatuko ditu, zirkuitu batean bi buelta luze eta buelta txiki bat emanez.
Bideoa:
[video:https://www.youtube.com/watch?v=Y8DzTbS6G3Y]