Unidos Podemos izan da indar bozkatuena eskualdean eta alderdi abertzaleek behera egin dute

Erredakzioa 2016ko ekainaren 26a
Deskargatu Info Ahotsak :

Unidos Podemos, -hau da, Podemos, Equo eta Unidad Popularren koalizioa- izan da indar politiko garailea Aiaraldean. Hala ere, ez du aurreko hauteskundetan baino askoz boto gehiagorik lortu. Ezkerreko alderdien kopuru batuketari erreparatuz, 200 boza gehiago erakarri dituzte.

Izan ere, abenduko hauteskundeen partaidetza nabarmen murriztu da eta horren eragina agerikoa izan da, bereziki, erakunde abertzaleetan. Hori dela medio, EAJk galdu du hegemonia eta 300 boza utzi ditu bidean. 2011ko hitzordua erreferentetzat hartuta, ordea, 1.000 boto baino gehiago jaso gabe geratu dira.

Ekainaren 27an Aiaraldeko bozkatzaile guztiak daude deituak erabakitzeko Kongresu eta Senatu espainiarrean nor egongo den hurrengo legealdian.

Hauteskunde kanpaina abenduan egindakoa baino arinagoa izaten ari bada ere, Unidos Podemoseko ordezkari ugari egon dira eskualdean, baita PSE-EEko Idoia Mendia, pasa den ostegunean.

EH Bilduk hainbat ekitaldi gauzatu du, baina atzo egin behar zuen nagusia eta bertan behera utzi zuen Gasteizko erailketa matxistaren ondorioz.

Bihar, EAJk Iñigo Urkullu Lehendakaria ekarriko du Aldai plazara eta horrekin kanpainaren unerik bizienak bukatuko dira.

Emaitzak aldatuko diren zain

Abenduko hauteskundeetan Podemos alderdiak ezustea eman zuen eta bigarren indarrik bozkatuena izan zen, 6.500 boza inguru eskuratu zituen eta. EAJ alderdi hegemonikotik gertu geratu zen (400 boto ingurura).

Pablo Iglesiasen proiektuaren arrakasta gainerako partiduren kalterako izan zen, guztiek galdu baitzituzten bozak 2011ko hauteskundeekin alderatuta; EAJk 758, EH Bilduk 2.389, PSE-EEk 1.429 eta PPk 1.384.

Gainera, igandean alderdi morearen koalizioak Ezker Anitzaren bozak ere batu ditzake eta indarrak metatu

Almudena Otaola berriro 1. senaturako Araban

Aurreko hitzorduan Podemosen agerpenak kendu zion Almudena Otaola okondoar jeltzaleari senatuan aritzeko aukera. Hala ere, alderdiak eginkizuna betetzeko konfiantza eman dio berriro. Madrilen kargua lor dezakeen pertsona bakarra da Almudena Otaola.

Aurreko hauteskundeko emaitzak

 

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide