Gizarte Ongizaterako Foru erakundearen eta Amurrio zein Laudioko Udalen prebentzio komunitarioko taldeek ikastetxetako guraso elkarteen errealitatearen inguruko hausnarketa-jardunaldia antolatu dute gaurko. Aiaraldeako ikastetxeetako ikasleen familien kolektibo guztiak Amurrioko udaletxeko osoko bilkuren aretoan elkartuko dira 10:00etatik 12:00etara egingo duten saioan.
Guraso elkarteen errealitatea aztertzeaz gain, komunitateko eragile diren heinean egiten dituzten ekarpenei erantzutea du helburu jardunaldiak.
Horretarako, AMIA metodoan oinarritutako dinamika aplikatuko dute saio horretan, gurasoen kolektiboek familian, eskolan nahiz komunitatean dituzten "aukerak", "mehatxuak", "indarguneak" eta "ahuleziak" aztertzeko.
Araba mailako proiektua
Jarduera hori "Prebentzio positiboa: familia sareak eta aliantzak" familia kolektiboak ahalduntzeko programaren barruan kokatzen da. IGEek beren gaitasunak eta protagonismoa indartzeko eta beren bizi-ingurumenaren aldaketa positiboak bultzatzeko ahalmena bereganatzeko ekimen hori hainbat fasetan burutuko da eta Arabako IGE guztiak aztertzeko asmoa du. Foru erakundea eta Amurrio zein Laudioko udalez gain, Gasteizko Udalak ere parte hartzen du proiektuan.