Aiaraldeko hainbat herrik igerilekuen udako denboraldiari ekingo diote ekainean zehar eta horretarako prestaketekin hasi dira. Herri gehienetan irailaren 11an itxiko dituzte instalazioak, Orozkon izan ezik, bertan irailaren 14ra arte zabalik egongo dira eta.
Laudio
Laudion ekainaren 18an ekingo diote denboraldiari. Egunero 11:00etatik 20:00etara zabalik egongo dira hilabete horietan.
Amurrio
Amurrion ekainaren 11an irekiko dituzte instalazioak. Ordutegiari dagokionez, goizeko 10:30etatik arratsaldeko 20:30etara zabalik egongo dira instalazioak egunero. Hala ere, uztailaren 1etik abuztuaren 11ra bitartean ordutegia 21:00etara luzatuko da.
Artziniega
Artziniegan 17an zabalduko dituzte igerilekuak eta 11etatik 21:00etara egongo da bainatzeko aukera uda honetan, astelehenetik igandera.
Aiara
Aiarakoen ordutegia bestelakoa izango da, Etxaurren ikastolaren parean dauden azpiegiturak ekainaren 18an zabalduko dituzte eta hilabete horretan eta irailean astelehenetik ostiralera 12:00etatik 21:00etara zabalik egongo dira eta asteburuetan 11:00etatik 21:00etara. Uztailean eta abuztuan, berriz, egunero 11:00etatik 21:30ra egongo da gozatzeko aukera.
Orozko
Ekainaren 15ean hasiko da denboraldia eta irailaren 14ra arte luzatuko da aurten. Ekaina eta irailean 12:00etatik 20:00etara egongo dira zabalik. Uztaila eta abuztuan, berriz, 11:00etatik aurrera.