Eskualdeko 10 erakundek sinatu zuten maiatzaren 13an Aiaraldeko Euskalgintza Kontseiluaren konpromisoa. Horren bitartez oinarriak jarri dituzte euskararen aldeko foro horretan aritzeko modu jarraitu eta koordinatuan.
Sinatu berri duten akordioaren arabera, urtean hiru aldiz elkartuko dira udaletako euskara teknikariak eta elkarri euren jardueraren berri emango diote. Aldiz, batzar orokorra urtean behin deituko dute.
Erakunde sinatzaileak hurrengoak izan dira: Aiarako Koadrilla eta Arakaldo, Arrankudiaga-Zollo, Artziniega, Orozko, Okondo, Amurrio, Laudio, Aiara eta Urduñako udalak. Berez, tokiko alkate gehienek parte hartu zuten ekitaldian.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
