Laudioko, Orozkoko eta Urduñako udalek, besteak beste, eguneko jardueretan oinarritutako multiabentura udalekuak eskainiko dituzte aurten 12 eta 17 urte bitarteko gazteentzat.
Udalekuak bi txandatan banatuko dituzte parte-hartzaileen adinaren arabera. Lehenengo txanda, 12 eta 14 urte artekoei zuzendutakoa (2002-2004) ekainaren 27tik uztailaren 7ra gauzatuko da eta espeleologia, kayak, arroila jaitsiera eta puenting egingo dute, adibidez. Lehenengo txanda horretako parte-hartzaileek 90€ ordaindu beharko dute.
15 eta 17 urte arteko gazteek, (1999-2001) bestetik, uztailaren 4tik 8ra espeleologia, eskalada, surfa edo puentingarekin gozatzeko aukera izango dute, gainera, gau bat barnetegian emango dute. Bigarren txanda horretan 95€ ordaindu beharko dute.
Leku mugatuak
Herri bakoitzak leku mugatuak ditu ekintza horietan parte hartzeko. Jardueretan izena emateko edo horien inguruan informazio gehiago eskatzeko herri bakoitzeko udalera jo besterik ez dago: Laudion 94 403 48 00, Orozkon 94 633 96 33 eta Urduñan 94 538 30 03.