Aiaraldea Egunkari bikoitza argitaratuko da bihar. Ohiko 16 orriei beste 16 gehituko zaizkie. Orri berri horietan “Hezkuntza Aiaraldean” gehigarri bereziaren 2016ko edizioa topatu ahal izango du irakurleak. Bihar hasten da eskualdeko ikastetxeetan Batxilergoko, Bigarren Hezkuntzako eta Haurreskolako aurre-matrikulazio kanpainak. Horri buruzko hainbat artikulu, elkarrizketa edota erreportajez hornitua egongo da gehigarria.
Erditzea, Larruazabal edota Antonio Aldama protagonista
Hainbat gai jorratuko dituzte egunkariko beste 16 orriak. Erditzeari buruzko erreportajea izango da nagusi, hainbat adituren adierazpenekin. Kultura atalean, berriz, Antonio Aldama margolari laudioarrari eginiko elkarrizketa egongo da.
Datorren ikasturtean Lehen Mailan hasiko duen Zaraobe Saskibaloi Klubari eginiko elkarrizketa egongo da kirol atalean, eta kontrazalean “El conquistador del fin del mundo” saioan egon berri den Ainara Gotxiri eginikoa.
Hortaz gain, ez da faltako azken bi asteetako albiste esanguratsuenen bilduma, “Herriz herri” atalean. Norberto Aldaiturriaga, Koldo Gilsanz, Mikel Ayllon eta Itziar Urkijoren zutabeak egongo dira baita, Jabi Isasiren komikiarekin batera.