Goizeko 07:45ean istripua gertatu da Laudio eta Orozko artean, Burullagatik gertu.
Autobus batek -Bizkaibus enpresakoa, alegia- abereak garraiatzen zituen auto baten aurka jo du eta anabasa handia sortu du gertakariak. Ertzaintzak azaldu du istripua izan duen ibilgailuetako batek erreia inbaditu duela. Suhiltzaileek adierazi dute autoaren atoia apurtu dela eta horregatik jo duela autobusaren aurka.
Horren ondorioz, zenbait ardi hil dira -15, hedabideen arabera- kolpearen ondorioz eta anbulantziak eta polizia bertaratu dira. Antza, 9 zauritu arin egon dira; guztiak autobus erabiltzaileak, baina poliziak 6 besterik ez ditu berretsi. Ertzaintzak azaldu du zerbitzu medikuek eraman dituztela 6 zauritu ospitalera zerbitzu (4 Galdakaora eta 2 Gurutzetara). Litekeena da besteak auto pribatuetan joatea sendatzera.
10:50ean errepidea guztiz garbitu dute eta dagoeneko trafikoa ohikoa da.
Beste istripu bat, mendian
Orozkon beste istripu bat gertatu da, mendian, hain zuzen. Emakume batek erorketa izan du eta Galdakaoko ospitalera eraman dute.