Axier Lopez (@axierL) izan da “mozal legea”-k zigortu duen lehenengo kazetaria. Argia aldizkariko langileak 601 euroko isuna jaso du zabaltzeagatik Naroa Ariznabarretaren atxiloketaren argazkiak.
Espainiako Gobernu ordezkariak horren aurkako zigorra abiatu du “mozal legea” baliatuta -hau da, “Herritarren segurtasunerako 4/2015 Lege Organikoa”-.
Erakundeak argudiatu du: “irudi horiei esker operazioan parte hartu zuten agenteak identifika daitezke, funtzionario hauentzat identifikazio publikoak dakarren arriskuarekin” .
Elkartasuna
Hainbat pertsona eta erakunde ari dira elkartasuna adierazten (Nafarroako Parlamentuak, besteak beste) eta horiekin bat egin du Aiaraldea.eus-ek.
Aiaraldeko komunikazio proiektuak salatu nahi du Axier Lopez eta Argia aldizkariaren aurkako isuna adierazpen askatasunaren kontrako erasoa dela, herritarrak informatzeko eskubidea urratzen baitu.
Lehenengo isuna
Axier Lopezena izan da, momentuz, “mozal legea” baliatuta ezarri duten lehenengo isuna Estatu Espainiarrean.
Gauzak horrela, Argiak aurreratu du ez duela inolako asmorik zigorra ordaintzeko, eta, ondorioz, litekeena da kasua epaitegian bukatzea.