aiaraldea.eus

Jalgi, animalien abandonua, Aiarako Bira eta erabakitzeko eskubidea protagonista biharko egunkarian

Erabiltzailearen aurpegia Erredakzioa   Komunikazioa  Aiaraldea

Errotatiban dago jada Aiaraldea Egunkariaren 48. zenbakia. Ohikoan bezala, hainbat gairen berri jasotzeko aukera eskainiko dute hamabostekariaren 16 orrialdeek.

Herriz-herrikako atalean azken bi asteetan eskualdean jazotako gertakaririk esanguratsuenei errepaso bat egingo zaie, Tubos Reunidoseko zuzendaritzak langileei ezarri nahi dien Enplegua Erregulatzeko Espedientearen albisteari tartean.

Errotatiban dago jada Aiaraldea Egunkariaren 48. zenbakia. Ohikoan bezala, hainbat gairen berri jasotzeko aukera eskainiko dute hamabostekariaren 16 orrialdeek.

Herriz-herrikako atalean azken bi asteetan eskualdean jazotako gertakaririk esanguratsuenei errepaso bat egingo zaie, Tubos Reunidoseko zuzendaritzak langileei ezarri nahi dien Enplegua Erregulatzeko Espedientearen albisteari tartean.

Jalgi ekimenari buruzko artikulua

Jendartea atalean erabakitzeko eskubidea izango da hizpide. Orozko eta Laudioko Gure Esku Dago-ko taldeek herri galdeketak egiteko asmoa dutela adierazi dute, eta horren inguruan sakontzen du artikuluak.

Kulturan, berriz, bihar aurkeztuko den Jalgi ekimena izango da protagonista. Nerea Iglesias Lili antzerkilariari eginiko elkarrizketa ere topatuko du irakurleak. 

Kirolean berriz, Aritz Arberasek Aiarako Biraren inguruan eginiko kronika orokorra izango da nagusi, baina egongo dira beste eduki batzuk ere: Altzarrate KE-ren azken partiduaren kronika eta altuera jauziaren Euskadiko Txapelketan urrezko domina lortu duen Garazi Larrakoetxeari eginiko elkarrizketa, besteak beste.

Erreportajea, animalien abandonuari buruzkoa

Erreportaje nagusia animalien abandonuari buruzkoa izango da. Aiaraldeko animali elkarteen adierazpenak jaso ditu Aiaraldea Egunkariak bertan, gaia sakontasunez jorratzeko.

Kontrazalean, berriz, Menagaraiko Juan Antonio Alaña Uribarri adar-jotzaileari eginiko elkarrizketa egongo da.

Ohikoan bezala, hainbat kolaboratzailek hartu dute parte egunkarian. Iritzi-zutabeak idatzi dituzte Txutxi Ariznabarretak, Jonatan Morenok, Inma Roizek, Javi Aspuruk eta Lucia Menoyok; eta Edorta Moreno arduratu da komikia marrazteaz. Zinema-proposamena, berriz, Lander Arteagak egin du.



 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa