3.900.000 eurotik gora inbertituko du Arabako Foru Aldundiak Aiaraldean. 23 lan lagunduko ditu eta beste 11 finantzaziorik gabe utziko ditu.
Hutsuneen artean, Laudiok ez du jasoko dirurik zaharren egoitza erabilera kulturaletara bideratzeko, eta Okondoko haurreskolako jolastokiak ere ez du ekarpenik izango. Okondo Aurrerako alkatea Sergio Tatok leporatu dio oposizioari horren ardura.
Horietaz gain, laguntzarik gabe geratuko dira Kantauriko Urkidetzako bi proiektu eta Izoria, Delika, Saratxo, Arespalditza, Kexaa, Ozeka eta Aiarako zenbait egistamo. Kasu gehienetan, aurrekotuen mugak argudiatu ditu, gehienbat, Arabako Foru Aldundiak.
Hala ere, eskualdeko herri ugarik oniritzia jaso dute deialdian: Agiñaga, Aloria, Amurrio, Artziniega, Aiara, Larrinbe, Lekamaña, Lezama, Lanteno, Laudio, Luiaondo, Madaria, Menoio, Murga, Olabezar, Okondo, Arespalditza, Erretes Lanteno eta Soxo, hain zuzen.
Horrez gain, Kantauriko Urkidetzako proiektu bat ere diruz lagunduko dute.
Inbertsio handienak
Diru kopuruaren aldetik, Amurriok jasoko du ekarpenik handiena. Alde batetik, 672.900 euro izango ditu Frontoi kalea urbanizatzeko eta beste 754.000 saneamendu lanak gauzatzeko.
Kantauriko Urkidetzak 660.000 euro izango ditu bere inbertsioak osatzeko, %100, alegia. Laudiok ekingo dio 375.900 eurorekin Zubiko Kurajo, Maestro Elorza, eta Jose Matia kaleetako urbanizazioaren III. faseari, zati bat lagundu ez duten arren.
Artziniegako udalak 295.000 euroko laguntza izango du udaletxe zaharra birgaitzeko eta “La Barcena” eremuko aparkalekua urbanizatzeko. Luiaondok urbanizazio lanak ere egingo ditu Tartako eta Dorre auzoetan eta 300.000 euro bideratu dio Foru Aldundiak.
Okondok ere aurrekontu diru-hornidura nabarmena frontoia konpontzeko; 196.426 euro, baita Larrinbek (132.000), Lezamak (114.410) eta Arespalditzak (110.752).