Inprentan dago jada bihar argitaratuko den Aiaraldea Egunkaria. Ohikoan bezala, gai anitzez beteak egongo dira hamabostekariaren orriak.
Herriz-herrikako atalean, adibidez, Laudion ospatuko den Gazte Danbadako egitarauaren nondik norakoen berri jasoko du irakurleak, Aiaraldean azken egunetan jasotako gertakari nagusiak errepasatzearekin batera.
Kirolean, berriz, elurra izango da nagusi, Amurrioko Elur Taldeari eginiko elkarrizketa topatuko baitu irakurleak atal horretan.
Kulturan, berriz, Ainara Villacorta idazle amurrioarrari eginiko elkarrizketa egongo da. Bere lehen eleberriaren inguruan mintzatuko da.
Sozioekonomia atalean eskualdeko azken langabezia datuei buruzko artikulua egongo da. Jendartean, berriz, sortu berri den Aiaraldeko Euskalgintza Kontseilua izango da protagonista.
Bukatzeko, Katia eta Alex Dominguez artziniegarrei Quidditch Muggleari buruz eginiko elkarrizketak beteko du kontrazala.
Ohikoan bezala, hainbat kolaboratzaileren lana ezinbestekoa suertatu da egunkaria osatzerako orduan. Julen Arzuaga, Raul Arza, Eneko Gastaka, Mikel Ayllon, Anuntxi Arana eta Asier Rubio arduratu dira iritzi-zutabeak idazteaz. Komikia, berriz, Floren Usiak marraztu du, eta oraingoan Txetxu Urkijok prestatu du zinema-proposamena.