URA Agentziak Tubos Reunidos enpresan gertatutako istripuan egon da hasieratik, eta bere aburuz ez da azido klorhidrikorik isuri Nerbioi ibaian. Erakunde publikoaren ustetan, atzo Laudion ikusitako zikinkeria istripuaren ondorioa izan zen, baina ez azido klorhidrikoa, arrain hilik ez baitzuten topatu.
Josetxo Errazkin URA Agentziako arduradunak azaldu du larunbatean bertaratu zirela teknikariak sutearen egoera aztertzeko, eta berehala sumatu zutela isurketak gertatzeko arriskua; suhiltzaileek botatzen zuten ura zela medio.
Bi urtegi eta bypass-a
Hori ekiditeko, zenbait neurri gauzatu zituzten; alde batetik, urtegia egin zuten azido klorhidrikoa Iñordo errekera heldu ez zedin. Bestetik, ponpa baten bitartez ur kutsatuta kamioietan jaso zuten. Hala ere, neurriak nahikoa izango ez zirelakoan, beste urtegi bat egin zuten eta biak lotu zituzten bypass baten bidez.
Dena den, URA Agentziak azterketa gehiago egin ditu istripuaren ondorioak ezagutzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide