Amurrioko Otsemeak talde feministak, Gasteizen gertatutako eraso matxisten aurkako gaitzespen osoa erakutsiko du, eta horrelako gertakarien aurrean emakumeei autodefentsa feministarako deia egin.
Gainera, horrelako erasoen aurrean axolagabetasunaz ez jokatzeko deia zabaldu du. Gertakariak salatzeko gaur, arratsaldeko 19:00etan herriko plazan elkarretaratzea deitu du: “ Ezinbestekoa da, hau eten nahi badugu guztion artean egitea!”
Gasteizko erasoa
Urtarrilaren 25ean Gasteizen, emakume bat jipoitu zuen gizon batek, bere alaba bortxatzen ari zela, amak esku hartu zuenean ekintza eteteko asmoz.
Hori gutxi balitz, ama egurtu ostean, alaba lihotik behera bota zuen jarraian. Momentuan bizirik atera bazen ere, herenegun arratsaldean hil zen Gurutzetako ospitalean.
Atxiloketa gehiago
Horrez gain, Gasteizen beste eraso bat ere egon da egun hauen bueltan, beste gizon bat atxilotua izan dutelako. Otsemeak taldeak azaldu du: “Beste bat, azkeneko boladan, Gasteizen horrelako gertakariak etengabe gertatzen ari direlako, eta egoeraz nazkatuta gaude jada!). Ez dugu hau urteko lehen erailketa, are gutxiago erasoa.
7 erailketa izan dira jadanik Estatu Espainiarrean. 64 zenbatu zitezkeen iazko urte amaieran. Hau onargaitza da!!!
Hala, emakume bezala, nola sistema heteropatriarkal honen biktima bezala, argi utzi nahi dugu eraso guzti hauen larritasunari nolabait erantzuten dioten salaketak egiten jarraituko dugula; eta prebentzio neurriak jartzen saiatuko, salaketen maiztasuna murriztea lortu arte.”
Elkarretaratzea Artziniegan
Atzo Hiriska emakume elkarteak ere elkarretaratzea gauzatu zuen eguerdian Gasteizko erailketa salatzeko. Estatu Espainiarrean hilketa matxista jazotzen den bakoitzean egiten dute mobilizazioa Artziniegan, alegia.