aiaraldea.eus

Txapelpunk, Hammer Killers, Marianitoz Blai... musika kontzertu ugari eskainiko dute eskualdean urtarrilean

Erabiltzailearen aurpegia Aimar Gutierrez   Kultura  Aiaraldea
Txapelpunk, Hammer Killers, Marianitoz Blai... musika kontzertu ugari eskainiko dute eskualdean urtarrilean

Musika dakar urtarrilak, kontzertu ugari eskainiko dute hilabetean eskualdean.

Sabes Muy Bien

Lehenengo zita Barakaldoko "Sabes muy bien" taldearekin izango da. Urtarrilean gauzatuko duten biraren barruan bi kontzertu eskaini behar dituzte eskualdean: urtarrilaren 9an Laudioko Drumgorri aretoan eta urtarrilaren 16an Okondoko "Mesón Okondo" jatetxean. "Sabes muy bien" taldeak rumba jotzen du ukelele instrumentu hawaiarraren laguntzaz.

Musika dakar urtarrilak, ugariak dira hilabetean zehar eskualdean eskainiko diren kontzertuak.

Lehenengo zita Barakaldoko "Sabes muy bien" taldearekin izango da. Urtarrilean burutuko duten biraren barruan bi kontzertu eskaini behar dituzte eskualdean: urtarrilaren 9an Laudioko Drumgorri aretoan eta urtarrilaren 10ean Okondoko "Mesón Okondo" jatetxean. "Sabes muy bien" taldeak rumba jotzen du ukelele instrumentu hawaiiarraren laguntzaz.

Urtarrilaren 15ean, ostirala, bost talde ezberdin igoko dira Orbeko Etxeko oholtzara: "Batalla", "Obduccion de la amenaza", "Un dia de furia", "Hardflip" eta "Take warning". Sarrera lau euro izango dira.

Urtarrilaren 16a kontzertuz betetako eguna izango da. Aipatutako "Sabes muy bien" taldearen Okondoko kontzertuaz gain, kontzertuak egongo dira Drumgorri aretoan eta Urduñako Gaztetxean.

Drumgorri Aretoan "The hammer killers" hard rock talde bermeotarrak bere 3. diskoa aurkeztuko du gaueko 22:00etan. Aurkezpen birako lehenengo kontzertua izango da Laudion eskainiko duten hau.

Urduñako Gaztexean, azken urteetan bezala, Gaztetxe Eguna antolatu dute. Egun osoko egitaraua antolatu dute: Trikipoteoa, herri bazkaria, futbolin txapelketa eta egunari amaiera emateko "El sonido de la metralla", "Marianitoz blai" eta "Aldats" erromeriak kontzertua eskainiko dute arratsaldeko 20:00etan.

Urtarrilaren 22an, ostirala, "Txapelpunk" eta "Don Nadies" taldeak arituko dira Drumgorri Aretoan. Sarrera sei eurotakoa izango da.

Urtarrilaren 23an, Aiaraldeko Sound System Mugimenduaren txanda izango da. laudioko Gaztetxean eskainiko dute kontzertua eta hamaika artista gonbidatu dituzte euren "Sound System-aren" erritmora jarduteko. besteak beste: "Thunder Clap", "King Burning"... 2015eko azaroan ospatu zuten elkartearen 2. urteurrena eta bertan jarri zuten martxan lehendabiziko aldiz "Sound System-a".  

Ikusi argazki guztiak handiago

Erantzunak

Erabiltzailearen aurpegia Orbeko Etxea Erantzuna | #1

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa