aiaraldea.eus

EH Bilduk aldarrikatu du berea dela haustura demokratikorako boto erabilgarri bakarra

Erabiltzailearen aurpegia Erredakzioa   Politika  Aiaraldea
EH Bilduk aldarrikatu du berea dela haustura demokratikorako boto erabilgarri bakarra

EH Bilduk hedabideentzako gosaria egin du gaur Laudion. Iker Urbina eta Lorena Lopez de Lacalle Kongresurako eta Senaturako zerrendaburuek hartu dute parte bertan. Laudioko alkateak babesa eskaini die hautagaiei.

EH Bilduk hedabideentzako gosaria egin du gaur Laudion. Iker Urbina eta Lorena Lopez de Lacalle Kongresurako eta Senaturako zerrendaburuek hartu dute parte bertan. Laudioko alkateak babesa eskaini die hautagaiei.

Iker Urbinak azpimarratu du EH Bildu dela haustura demokratikoaren aldeko apustu garbia egiten duen alderdi bakarra. “Alderdi berriek iragarri zuten demokrazia birsortu behar zutela, baina bere diskurtsoa aldatzen joan da. Podemosek erabakitzeko eskubidea errespetatuko lukeela esan zuen eta orain Espainia hautsiezina dela defendatzen du”, azaldu du Iker Urbinak.

Zentzu horretan, Euskal Herriko interesak eta eskubideak defendatzeko boto erabilgarri bakarra EH Bildukoa dela aldarrikatu du Kongresurako hautagaiak.

Iker Urbinaren ustez, Euskal Herrian erabakitzea beharrezkoa da krisialdiak eragindako eskubide murrizketei aurre egiteko. “Inork ez du nahi garrantzitsuak diren gauzei buruz beste batek erabakitzea. Aiara da horren adibide argia, eskualdeak planteamendu propioa behar du enplegua sustatzeko eta hori ez da Madriletik etorriko”, nabarmendu du EH Bilduko kideak.

Jokoan dagoena ez da eserleku kopurua, burujabetzaren aldeko apustua baizik” adierazi du Iker Urbinak bukatzeko.

Hitza bete

Lorena Lopez de Lacallek bereziki nabarmendu du EH Bilduk bere hitza bete duela. “Gasteizko udalean eta Arabako Foru Aldundian aldaketa bultzatu dugu”, erantsi du. Aldi berean, EH Bilduk benetako partaidetza bermatzen duela esan du.

Eskualdeari dagokionez, Senaturako hautagaiaren aburuz “eskandalua” da Nerbioigoienako araztegiak oraindik eraiki gabe egotea. Hautagaiak ziurtatu du borrokatuko dutela lan horiek Madrilgo Gobernuak ahalik eta lasterren egin ditzan.

Gainera, AP-68 autobidearen egoera ere aipatu du. “Europar Batasunak arreta deitu dio Estatu Espainiarrari mozkinak pribatizatzen dituelako eta zorrak publiko egiten dituelako. AP-68 errepidea publikoa izan dadin urratsak eman behar ditugu”.

Garoñaren itxiera ere aldarrikatu du Lorena Lopez de Lacallek.

 

 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa