Laudioko Tokiko Gobernu-Batzarrak bi diru laguntza onartu berri ditu. Alde batetik, Tindufeko kanpamenduetan izandako kalteak arintzeko 1.100 euroko laguntza emango du Udalak. Uholde gogorrak izan ziren urrian, azken 40 urteko bortitzenak, eta larriki kaltetu zituzten errefuxiatu guneak, bertako eskolak eta ospitaleak suntsituz. Saharako errefuxiatuentzako laguntza RASD-aren Lagun Elkartearen bidez kudeatuko du Udalak.
Beste aldetik, Elikagai-Bankuari 1.000 euroko laguntza emango dio Udalak. Arabako Elikagai Bankuak egoera onean dauden elikagai soberakinak biltzen ditu, beharra duten familia eta pertsonen artean banatzeko. Elikagai Bankuak osatutako boluntario talde bat eskualdeko herri desberdinetako supermerkatuetan izan da azken egunotan herritarrek emandako elikagaiak biltzen. Aiaraldeko udalek ere kanpaina horretan parte hartu nahi izan dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
