Gaur hasiko da Durangoko Liburu eta Disko Azokaren 50. edizioa, eta datorren asteko asteartera arte iraungo du.
Euskal Herriko ehunka idazle, musikari eta artista gerturatuko dira lau egun horietan zehar Durangoko Landako gunera, eta Aiaraldeko literatura eta musikek ere izango dute euren txokoa. Izate faltsua taldea arduratuko da “Ahotsenea zuzenekoak” guneko lehen musika emanaldia eskaintzeaz. Zaratak agindu dezan! lana aurkeztuko du musika taldeak oholtza gainean.
Gaur izango da zita, goizeko hamaiketan. Astelehenean, berriz, Hutsa-ren txanda izango da. Bikote
akustikoak bere laugarren lana aurkeztuko du, Amnesia izenekoa, 13:40etan.
Ez tiro egin anbulantziei Aiaraldeko literaturarekin, baina, igandean izango da hitzordua, 17:30ean, “Ahotsenean solasaldiak” gunean. Mikel Ayllon idazle laudioarrak bere lehenengo nobela aurkeztuko du bertan: Ez tiro egin anbulantziei. Durangoko Azoka Alternatiboan ere izango du presentziak Aiaraldeak. Astelehenean Larra Bustingintza taldeak tailerra eskainiko du, 12:00etan. Gauean, berriz, Amurrioko Haginak taldeak kontzertua eskainiko du, Sapuetxen.
Autobusak eskualdetik
Aiaraldeko zenbait udalek autobusa antolatu dute Durangora joateko bihar -abenduaren 5ean-. Amurriotik 15:40an abiatuko da eta Laudion, aldiz, 16:00etan igaroko da. Itzultzeko bi aukera egongo dira: 20:30ean edo 02:30ean. 7 euro balioko du bidaiak.