Bihartik aurrera eskuratu ahal izango da Aiaraldea Egunkariaren zenbaki berria eskualdeko saltoki, taberna, ikastetxe eta kaleetan. Egun berezia biharkoa: abenduaren 3a, Euskararen Nazioarteko Eguna izango baita.
Hori dela eta, euskara izango da erreportaje nagusiaren ardatza. Hizkuntzarekin harremana duten bederatzi pertsonen hausnarketak jasoko ditu testuak, euskararen gaur egungo egoeraren eta etorkizunaren inguruan. Hortaz gain, euskarak eskualdean historikoki izan duen bilakaeraren laburpen bat ere jasoko du erreportajeak.
Jendartea atalean ere euskara izango hizpide, Berbalagun eta Gurasolagun egitasmoei buruzko artikulua topatu ahal izango baitu irakurleak.
Artikulu guztiak, baina, ez dira euskararen ingurukoak izango. Kultura atalean, adibidez, Patxi Urkijo zinemagilea izango da protagonista, eta Aiaramendi trail talde sortu berria, berriz, Kiroletan. Herriz-herrikako albisteen txokoak, bere aldetik, ohiko errepasoa emango die azken bi asteetan eskualdean jazotako albiste esanguratsuenei.
Kolaborazioak ere ez dira faltako: Andoni Aldekoa, Jonatan Moreno, Txani Rodriguez, Javi Aspuru eta Andrea Ulloa arduratu dira iritzi-zutabeak idazteaz. Zinema proposamena Lander Arteagak egin du eta Edorta Moreno “Txed” marrazkilariak, berria, komikia.
