aiaraldea.eus

Bihar argitaratuko den egunkari koloretsuan, morea nagusi

Erabiltzailearen aurpegia Erredakzioa   Komunikazioa  Aiaraldea

 

Bihar argitaratuko da Aiaraldea Egunkariaren 41. zenbakia. Egunkari koloretsua izango da, gai anitzez hornitua.

Baina kolore nagusia morea izango da, indarkeria matxista izango baita erreportaje nagusiko protagonista. Edo, hobeto esanda, indarkeria matxistaren aurkako borroka; Aiaraldean borroka horretan aritu izan diren hainbat belaunaldietako emakumeek osatutako kontakizun kolektiboa jasoko baitu testuak.

 

 

Bihar argitaratuko da Aiaraldea Egunkariaren 41. zenbakia. Egunkari koloretsua izango da, gai anitzez hornitua.

Baina kolore nagusia morea izango da, indarkeria matxista izango baita erreportaje nagusiko protagonista. Edo, hobeto esanda, indarkeria matxistaren aurkako borroka; Aiaraldean borroka horretan aritu izan diren hainbat belaunaldietako emakumeek osatutako kontakizun kolektiboa jasoko baitu testuak.

 

Koloretsua izango da baita urduñar berrien inguruan antolatutako jardunaldien kronika. Adratan etnografia elkarteak antolatu zituen jardunaldi horiek, azaroaren 5etik 9ra bitartean, Urduñako Alondegian. Bertan jasotakoen berri izango du irakurleak.

 

Kirol atalean, berriz, kulturismoa izango da ardatza, Endika Montieli eginiko elkarrizketarekin. Pragan eginiko “Olympia Amateur” kulturismo txapelketako txapelduna izan da Montiel.

 

Kultura atalean APDEMAk eskualdean abian jarritako bi irakurketa kluben nondik norakoak kontatuko dira eta, bukatzeko, kalabazekin lanparak nola egiten dituen azalduko du Iñaki Garcia amurrioarrak kontra-azaleko elkarrizketan.

 

Ohikoan bezala, ez da faltako azken hamabostaldiko albisterik esanguratsuenen bilduma. Zutabegile moduan, berriz, honako kide hauek egongo dira: Julen Arzuaga, Izaskun Garcia, Eneko Gastaka, Inma Roiz, Edorta Moreno eta Lucia Menoyo. Rubi arduratu da oraingoan komiki tira egiteaz, eta Txetxu Urkijok "Marte" filmaren kritika plazaratuko du. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa