LOMCE erreformaren kontra lanean dabilen Aiaraldeko Gure Hezkuntza Plataformak mobilizazioak iragarri ditu hilabete honetarako.
Ikasturte berria hasita, LOMCE eta Heziberriren aplikazioa jada abiatu denean, eskualdeko Gure Hezkuntza Plataformak erreformei ezezkoa adierazi eta hezkuntza propioa eraikitzera deitu ditu Aiaraldeko ikasle, guraso, langile eta herritar guztiak.
Datorren urriaren 23an Aiaraldeko ikastetxeetan elkarretaratzeak gauzatuko dituzte LOMCEren aplikazioa salatu eta hezkuntza eredu propioa aldarrikatzeko. Urriaren 30ean aldiz, “Inposiziorik ez! Guk, orain, hemen, gure hezkuntza eraiki! ” lelopean eskualdeko kalejira egingo dute 18:00etan Laudioko Herriko Plazatik abiatuta.
Hezkuntza Plataformen Topaguneak Euskal Herriko deialdi nazionala luzatu du azaroaren 28rako aldarri berarekin: Hezkuntza sistema propioa eraikitzera salto ematea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
