Ikasleen esanetan “jai egun arrotza” da gaurkoa eta ondorioz “ezer ez dute ospatzeko”. Laudioko ikastolan burutuko diren Herri Eskolak internazionalismoan sakondu nahi dute.
Izan ere, Askapena erakunde internazionalistak Iruñeako Herri Libreen Martxaren barruan Espainiar Estatu Inperialista epaituko du gaur bertan, eta horri lotuta tailer internazionalistak landuko dituzte ikasleek.
Arratsaldeko egitaraua prestatu du Ikasle Abertzaleak erakundeak eta 16:30ean lotu dute hitzordua Zuentzat-en 17:00etan harrera egiteko Laudio Ikastolan. Eskualdeko ikasleriari zuzendutako herri eskolak hispanitatearen egunaren jaiari intsumisioa adieraztea du helburu nagusi.
Ez da eskualdean gauzatuko den ekimen bakarra. Urriaren 12aren testuinguruan, Alde Hemendik mugimenduak manifestazioa deitu baitu arratsaldeko 20:00etarako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
